प्रियं-वदोऽपि नैवाऽहं ब्रुवे मिथ्या परं-तप ! । सख्या तेन दश-ग्रीवं निहन्तासि द्विषं-तपम् ॥
Metre: अनुष्टुप्
वाचं-यमोऽहमनृते सत्यमेतद्ब्रवीमि ते ।एहि सर्वं-सहं मित्रं सुग्रीवं कुरु वानरम्।" ॥
Metre: अनुष्टुप्
सर्वं-कष-यशः-शाखं राम-कल्प-तरुं कपिः ।आदायाऽ भ्रं-कषं प्रायान्मलयं फल-शालिनम् ॥
Metre: अनुष्टुप्
मेघं-करमिवायान्तमृतुं रामं क्लमान्विताः । दृष्ट्वा मेने नसुग्रीवो वालि-भानुं भयं-करम् ॥
Metre: अनुष्टुप्
उपाग्न्यकुरुतां सख्यमन्योन्यस्य प्रियं-करौ । क्षेमं-कराणि कार्याणि पर्यालोचयतां ततः ॥
Metre: अनुष्टुप्
आशितं-भवमुत्क्रुष्टं वल्गितं शयितं स्थितम् । बह्वमन्यत काकुत्स्थः कपीनां स्वेच्छया कृतम् ॥
Metre: अनुष्टुप्
ततो बलिं-दम-प्रख्यं कपि-विश्वं-भराऽधिपम् । सुग्रीवः प्राब्रवीद्रामं वालिनो युधि विक्रमम् ॥
Metre: अनुष्टुप्
"वसुं-धरायां कृत्स्नायां नाऽस्ति वालि-समो बली । हृदयं-गममेतत्त्वां ब्रवीमि न पराभवम् ॥
Metre: अनुष्टुप्
दूर-गैरन्त-गैर्बाणैर्भवानत्यन्त-गः श्रियः ।अपि संक्रन्दनस्य स्यात्क्रुद्धः किमुत वालिनः ॥
Metre: अनुष्टुप्
वरेण तु मुनेर्वाली संजातो दस्युहो रणे ।अ-वार्य-प्रसरः प्रातरुद्यन्निव तमोऽपहः ॥
Metre: अनुष्टुप्