वीक्ष्यते स्म शनकैर्नववध्वा कामिनो मुखमधोमुखयैव॥ ८१॥
१.१.४ (ख) मध्योपक्रमो मध्यः ; स यथा—(किराता. ९.४७)
लोलदृष्टि वदनं दयितायाश्चुम्बति प्रियतमे रभसेन।
व्रीलया सह विनीवि नितम्बादंशुकं शिथिलतामुपपेदे॥ ८२॥
१.१.४ (ग) चण्डोपक्रमः चण्डः ; यथा—(सूमु. १५)
धन्याः स्थयाः कथयथ प्रियसङ्गमेऽपि विस्रब्धचाटुकशतानि रतान्तरेषु।
नीवीं प्रति प्रणिहितश्च करः प्रियेण सख्यः! शपामि यदि किञ्चिदपि स्मरामि॥ ८३॥
१.१.५ (क) गुणाधिके पुंसि योषिति वा समुपजायमानः सदृक् ; यथा—
स्थाने तपो दुश्चरमेतदर्थमपर्णया कोमलयाऽपि तप्तम्।
या दास्यमप्यस्य लभेत नारी सा स्यात् कृतार्था किमुताङ्कशय्याम्॥ ८४॥