(१. काक्वादिव्यङ्ग्या —३)
काकुः, स्वरो, विच्छेद इति काक्वादयः। तेषु— (काकुः) भिन्नकण्ठध्वनिर्धीरैः काकुरित्यभिधीयते॥ १३०॥
सा त्रिधा— १. नियतप्रतिबन्धा, २. अनियतप्रतिबन्धा, ३. अप्रतिबन्धा च। तासु—
(१) नियतप्रतिबन्धा द्विधा— साकाङ्क्षा, निराकाङ्क्षा च।
तयोर्वाक्यान्तरापेक्षिणी साकाङ्क्षा।
सा त्रिधा— आक्षेपगर्भा, प्रश्नगर्भा, वितर्कगर्भा च।
वाक्यान्तरभाविनी निराकाङ्क्षा।
सापि त्रिधा— विधिरूपा, उत्तररूपा, निर्णयरूपा च।
तदेव वाक्यं काकुविशेषेण साकाङ्क्षं, तदेव काक्वन्तरेण निराकाङ्क्षम्। तत्र—
(साकाङ्क्षा, निराकाङ्क्षा)