शृङ्गारप्रकाशे सप्तमः प्रकाशः
केवलशब्दसम्बन्धशक्तिप्रकाशो नाम
तत्र 'अभिधा—विवक्षा—तात्पर्य—प्रविभाग—व्यपेक्षा—सामर्थ्याऽन्वयैकार्थीभाव— दोषहान—गुणोपादानालङ्कार—रसावियोगरूपाः' शब्दार्थयोर्द्वादश सम्बन्धाः साहित्य— मुच्यते। तेषु—
शब्दस्यार्थाभिधायिनी शक्तिरभिधा।
तया स्वरूप इवाभिधेय प्रवर्तमानः शब्दो वृत्तित्रयेण वर्तते।
ताश्च १. मुख्या, २. गौणी, ३. लक्षणेति तिस्त्रः। तत्र —
साक्षादव्यवहितार्थाभिधायिका मुख्या।
गम्यमानशौर्यादिगुणयोगव्यवहितार्था गौणी।