तथाभूतार्था षोढा— जातिविषया, व्यक्तिविषया, आकृतिविषया, गुणविषया, क्रियाविषया सम्बन्धविषया चेति। तत्र—
१. गौरश्वः पुरुषो ब्राह्मण इत्यादिर्जातिविषया; यथा—(नच. १.४)
प्रसन्नाः कान्तिहारिण्यो नानाश्लेषविचक्षणाः।
भवन्ति कस्यचित् पुण्यैर्मुखे वाचो गृहे स्त्रियः॥ ३॥
थोरत्थणीएं बहुणो हलाएँ सामाएँ मंदगमणाए।
कोरच्छिपेच्छिरीए पहुप्पए एक्कमहिसीए॥ ४॥
(स्थूलस्तन्या वध्वाः हलायाः श्यामाया मन्दगमनायाः।
कोरक्षिप्रेक्षितायाः प्रभवति एकमहिष्याः॥)