"सख्यस्य तव सुग्रीवः कारकः कपि-नन्दनः । द्रुतं द्रष्टासि मैथिल्पाः" सैवमुक्त्वा तिरोऽभवत् ॥
Metre: अनुष्टुप्
नन्दनानि मुनीन्द्राणां रमणानि वनौकसाम् । वनानि भेजतुर्वीरौ ततः पाम्पानि राघवौ ॥
Metre: अनुष्टुप्
"भृङ्गाऽऽली-कोकिल-क्रुङ्भिर्वाशनैः पश्य लक्ष्मण ! । रोचनैर्भूषितां पम्पा- मस्माकं हृदयाविधम् ॥
Metre: अनुष्टुप्
परिभावीणि ताराणां पश्य मन्थीनि चेतसाम् ।उद्भासीनि जले-जानि दुन्वन्त्य्-अदयितं जनम् ॥
Metre: अनुष्टुप्
सर्वत्र दयिताऽधीनं सु-व्यक्तं रामणीयकम् । येन जातं प्रियाऽपाये कद्-वदं हंस-कोकिलम् ॥
Metre: अनुष्टुप्
पक्षिभिर्वितृदैर्यूना शाखिभिः कुसुमोत्किरैः ।अ-ज्ञो यो यस्य वा नाऽस्ति प्रियः प्रग्लो भवेन्न सः ॥
Metre: अनुष्टुप्
ध्वनीनामुद्धमैरेभिर्मधूनामुद्धयैर्भृशम् ।आजिघ्रैः पुष्प-गन्धानां पतगैर्ग्लपिता वयम् ॥
Metre: अनुष्टुप्
धारयैः कुसुमोर्मीणां पारयैर्बाधितुं जनान् । शाखिभिर्हा हता भूयो हृदयानामुदेजयैः ॥
Metre: अनुष्टुप्
ददैर्दुःखस्य मादृग्भ्यो धायैरामोदमुत्तमम् । लिम्पैरिव तनोर्वातैश्चेतयः स्याज्ज्वलो न कः ॥
Metre: अनुष्टुप्
अवश्याय-कणाऽऽस्रावाश्चारु-मुक्ता-फल-त्विषः । कुर्वन्ति चित्त-संस्रावं चलत्-पर्णाऽग्र-संभृताः ॥
Metre: अनुष्टुप्