धृतहेतिरप्यधृतजिह्ममतिश्चरितैर्मुनीनधरयन् गुरूभिः।
रजयाञ्चकार विरजाः स मृगान् किमिवेशते रमयितुं न गुणाः॥ २६॥
(आगमः) 'अश्ववृषयोर्मैथुनेच्छायाम्' इत्यादिरागमोपस्कारार्थः, यथा—
अनेकयुगजीविन्यास्त्रेता यस्यास्त्रयोदशी।
सा क्षीरकण्ठकं वत्सं वृषस्यन्ती न लज्जिता॥ २७॥
(वर्णविकारः) 'वेश्च स्वनो भोजने' मूर्धन्य इत्यादिर्वर्णविकारोपस्कारार्थः यथा—
ग्लानिच्छे(दी) क्षुत्प्रबोधाय पीत्वा रक्तारिष्टं झारिताजीर्णशेषः।
स्वादुङ्कारं कालखण्डोपदंशं क्रोष्टा डिम्बं व्यष्वणद् व्यस्वनच्च॥ २८॥
(आदेशः) 'मातुर्मातच्पुत्रे श्लाघ्य' इत्यादिरादेशोपस्कारार्थः, यथा—
गौरीमातस्य तस्यैताः कार्त्तिकेयस्य कीर्त्तयः।