यातुं निश्चितचेतसि प्रियतमे सर्वे सह प्रस्थिता गन्तव्ये सति जीवित! प्रियसुहृत्सार्थः किमुत्सृज्यते॥ ८८॥
५. भविष्यत्सामीप्यो यथा—(गास. ८३१ वै.)
कण्णे पडिअं हिअए पडिअं चिअ ओ मए अह/भव्वाए।
जामि त्ति तुज्झ वअणं किं व ण सहिअं पवासस्स॥ ८९॥
(कर्णे पतितं हृदये/यं पतितमेव ओ मया अभव्यया।
यामीति तव वचनं किं वा न सोढं प्रवासस्य॥)
नायकस्य गेहाद् विनिर्गमः प्रियप्रस्थानम्। तदपि पञ्चधा—'प्रवृत्तम्, अप्रवृत्तं, प्रवृत्ताप्रवृत्तम्, अप्रवृत्तप्रवृत्तम्, अप्रवृत्ताप्रवृत्तं' चेति। तेषु—
१. प्रवृत्तं यथा—(अमरु. ८५)
दृष्टः कातरनेत्रयाऽतिसुचिरं बद्ध्वाञ्जलिं याचितः पश्चादंशुकपल्लवे च विधृतो निर्व्याजमालिङ्गितः।