एकत्रासनसंस्थितिः परिहृता प्रत्युद्गमाद् दूरतः॥ १०८॥ इत्यादि।
१०. वाग्ग्मिता यथा—(कुसं. ५.७५)
उवाच चैनं परमार्थतो हरं न वेत्सि नूनं यत एवमात्थ माम्।
अलोकसामान्यमचिन्त्यहेतुकं द्विषन्ति मन्दाश्चरितं महात्मनाम्॥ १०९॥
११. शास्त्रज्ञानं यथा—(कुसं. १.३०)
तां हंसमालाः शरदीव गङ्गां महौषधिं नक्तमिवात्मभासः।
स्थिरोपदेशामुपदेशकाले प्रपेदिरे प्राक्तनजन्मविद्याः॥ ११०॥
कारागृहे त्वमुषितश्चिरमेव यस्य निर्वापितः स विनयेन सहस्त्रबाहुः।
तस्यापि रे! पुरभिदाऽखिलमस्त्रवेदमध्यापितस्य विजयी मम जीवनाथः॥ १११॥