विजित्य नेत्रप्रतिघातिनीं प्रभामनन्यदृष्टिः सवितारमैक्षत॥ १२४॥
९. अधोदृष्टमवलोकितं (नाशा. ८.१०९); यथा—
आकाशयानतटकोटिकृतैकपादा स्तद्धेमदण्डयुगलान्यवलम्ब्य हस्तैः ।
कौतूहलात् तव तरङ्गविघट्टितानि पश्यन्ति देवि! मनुजाः स्वकलेवराणि॥ १२५॥
अथ कान्ताद्याः दृष्टयः षट्त्रिंशत्। तत्र —
हर्षप्रसादजनितात्यर्थं (नाशा. ८.४७) कोपामर्षंसमन्मथा भ्रूविक्षेपकटाक्षा च कान्ता; यथा— (मामा. १.३०)
स्तिमितविकसितानामुल्लसद्भ्रूलतानां मसृणमुकुलितानां प्रान्तविस्तारभाजाम् ।
प्रतिनयननिपाते किञ्चिदाकुञ्जितानां विविधमहमभूवं पात्रमालोकितानाम्॥ १२६॥
प्रोद्वृत्तनिष्टब्धपुटा स्फुरदुद््वृत्ततारकाऽत्यर्थभीता भयानका; यथा—(सेबं. २.४२)