यथैवैकस्य गन्धस्य भेदेन परिकल्पना।
पुष्पादिषु तथा वाक्येऽप्यर्थभेदस्य कल्पना॥ १२८॥
अतोऽखण्डेऽपि वाक्यार्थे शक्तिभेदादपोद्धृते।
वाक्यान्तरविभागेन यथोक्तं न विरुध्यते॥
तस्माद् युक्तैव पदगतदोषगुणनिरूपणेति।
तत्र पदवाक्यवाक्यार्थदोषेषु पददोषाः षोडश—
असाधु, अप्रयुक्तं, कष्टम्, अनर्थकम्, अन्यार्थकम्, अपुष्टार्थकम्, असमर्थम्, अप्रतीतं, क्लिष्टं, गूढार्थं, नेयार्थं, सन्दिग्धं, विरुद्धम्, अप्रयोजकं, देश्यं, ग्राम्यमिति। तेषु —
१. शब्दानुशासनविरुद्धमसाधु, यथा—