अतः परीक्ष्य कर्तव्यं विशेषात्संगतं रहः ।अज्ञातहृदयेष्वेवं वैरीभवति सौहृदम् ॥
Metre: अनुष्टुप्
अयि भोः किमत्रभवतीप्रत्ययादेवास्मान्संयुतदोषाक्षरैः क्षिणुथ ।
शार्ङ्ग् (सासूयम्) श्रुतं भवद्भिरधरोत्तरम् ।
आ जन्मनः शाठ्यमशिक्षितो यस्तस्याप्रमाणं वचनं जनस्य । परातिसंधानमधीयते यैर्विद्येति ते सन्तु किलाप्तवाचः ॥
Metre: उपजातिः
भोः सत्यवादिन्नभ्युपगतं तावदस्माभिरेवम् । किं पुनरिमामतिसंधाय लभ्यते ।
विनिपातः पौरवैः प्रार्थ्यत इति न श्रद्धेयमेतत् ।
शार्ङ्गरव किमुत्तरेण ।अनुष्ठितो गुरोः संदेशः । प्रतिनिवर्तामहे वयम् । (राजानं प्रति)
तदेषा भवतः कान्ता त्यज वैनां गृहाण वा ।उपपन्ना हि दारेषु प्रभुता सर्वतोमुखी ॥
Metre: अनुष्टुप्
गौतमि गच्छाग्रतः । (इति प्रस्थिताः)