अमी वेदिं परितः कॢप्तधिष्ण्याः समिद्वन्तः प्रान्तसंस्तीर्णदर्भाः ।अपघ्नन्तो दुरितं हव्यगन्धैर्वैतानास्त्वां बह्नयः पावयन्तु ॥
Metre: उपजातिः
प्रतिष्ठस्वेदानीम् । (सदृष्टिक्षेपम्) क्व ते शार्ङ्गरवमिश्राः । (प्रविश्य)
भगिन्यास्ते मार्गमादेशय ।
इत इतो भवती । (सर्वे परिक्रामन्ति)
भो भोः संनिहितास्तपोवनतरवः ।
पातुं न प्रथमं व्यवस्यति जलं युष्मास्वपीतेषु या नादत्ते प्रियमण्डना अपि भवतां स्नेहेन या पल्लवम् ।आद्ये वः कुसुमप्रसूतिसमये यस्या भवत्युत्सवः सेयं याति शकुन्तला पतिगृहं सर्वैरनुज्ञायताम् ॥
Metre: शार्दूलविक्रीडितम्
अनुमतगमना शकुन्तला तरुभिरयं वनवासबन्धुभिः । परिभृतविरुतं कलं यथा प्रतिवचनीकृतमेभिरीदृशम् ॥
Metre: अपरवक्त्र