मुञ्च तावन्माम् । भूयोऽपि सखीजनमनुमानयिष्ये ।
अपरिक्षतकोमलस्य यावत्कुसुमस्येव नवस्य षट्पदेन ।अधरस्य पिपासता मया ते सदयं सुन्दरि गृह्यते रसोऽस्य ॥
Metre: औपच्छन्दसिक
(इति मुखमस्याः समुन्नमयितुमिच्छति । शकुन्तला परिहरति नाट्येन)
चक्रवाकवधुके आमन्त्रयस्व सहचरम् ।उपस्थिता रजनी ।
(ससंभ्रमम्) पौरव असंशयं मम शरीरवृत्तान्तोपलम्भायार्या गौतमी इत एवागच्छति । तद्विटपान्तरितो भव ।
तथा । (इत्यात्मानमावृत्य तिष्ठति)