शीत-वातातप-सहः कृशाङ्गो मलिनस्तथा ।उपवासैर्बहुविधैश्चरिष्ये धर्ममुत्तमम् ॥
Metre: अनुष्टुप्
लुब्धकेन ततो मुक्ता दृष्ट्वाग्नौ पतितं पतिम् । कपोती विललापार्ता शोक-सन्तप्त-मानसा ॥
Metre: अनुष्टुप्
न कार्यमद्य मे नाथ जीवितेन त्वया विना । दीनायाः पति-हीनायाः किं नार्या जीविते फलम् ॥
Metre: अनुष्टुप्
मानो दर्पस्त्वहङ्कारः कुलं पूजा च बन्धुषु । दास-भृत्य-जनेष्वाज्ञा वैधव्येन प्रणश्यति ॥
Metre: अनुष्टुप्
एवं विलप्य बहुशः कृपणं भृश-दुःखिता । पतिव्रता सुसन्दीप्तं तमेवाग्निं विवेश सा ॥
Metre: अनुष्टुप्
ततो दिव्याम्बर-धरा दिव्याभरण-भूषिता । भर्तारं सा विमानस्थं ददर्श स्वं कपोतिका ॥
Metre: अनुष्टुप्
सोऽपि दिव्य-तनुर्भूत्वा यथार्थमिदमब्रवीत् । अहो मामनुगच्छन्त्या कृतं साधु शुभे त्वया ॥
Metre: अनुष्टुप्
तिस्रः कोट्योऽर्ध-कोटी च यानि रोमाणि मानुषे । तावत्कालं वसेत्स्वर्गे भर्तारं यानुगच्छति ॥
Metre: अनुष्टुप्
कपोत-देहः सूर्यास्ते प्रत्यहं सुखमन्वभूत् । कपोत-देहवत्सासीत्प्राक्पुण्य-प्रभवं हितम् ॥
Metre: अनुष्टुप्
हर्षाविष्टस्ततो व्याधो विवेश च वनं धनम् । प्राणि-हिंसां परित्यज्य बहु-निर्वेदवान्भृशम् ॥
Metre: अनुष्टुप्