पतिव्रता पति-प्राणा पत्युः प्रिय-हिते रता । यस्य स्यादीदृशी भार्या धन्यः स पुरुषो भुवि ॥
Metre: अनुष्टुप्
न गृहं गृहमित्याहुर्गृहिणी गृहमुच्यते । गृहं तु गृहिणी-हीनमरण्य-सदृशं मतम् ॥
Metre: अनुष्टुप्
पञ्जर-स्था ततः श्रुत्वा भर्तुर्दुःखान्वितं वचः । कपोतिका सुसन्तुष्टा वाक्यं चेदमथाह सा ॥
Metre: अनुष्टुप्
न सा स्त्रीत्यभिमन्तव्या यस्यां भर्ता न तुष्यति । तुष्टे भर्तरि नारीणां तुष्टाः स्युः सर्व-देवताः ॥
Metre: अनुष्टुप्
दावाग्निना विदग्धेव स-पुष्प-स्तवका लता । भस्मीभवतु सा नारी यस्यां भर्ता न तुष्यति ॥
Metre: अनुष्टुप्
मितं ददाति हि पिता मितं भ्राता मितं सुतः । अमितस्य हि दातारं भर्तारं का न पूजयेत् ॥
Metre: अनुष्टुप्
शृणुष्वावहितः कान्त यत्ते वक्ष्याम्यहं हितम् । प्राणैरपि त्वया नित्यं संरक्ष्यः शरणागतः ॥
Metre: अनुष्टुप्
एष शाकुनिकः शेते तवावासं समाश्रितः । शीतार्तश्च क्षुधार्तश्च पूजामस्मै समाचर ॥
Metre: अनुष्टुप्