१. विधिरूपो यथा—(काव्याद. २.२५५)
त्वदपाङ्गाह्वयं जैत्रमनङ्गास्त्रवदङ्गने !
क्षिप्तं त्वयान्यतस्तेन सोऽप्यहं मनसि क्षतः॥ ७५॥
२. निषेधरूपो यथा—(कुसं. ५.५४)
असह्यहुङ्कारनिवर्तितः पुरा पुरारिमप्राप्तमुखः शिलीमुखः।
इमां हृदि व्यायतपातमक्षिणोद् विशीर्णमूर्तेरपि पुष्पधन्वनः॥ ७६॥
विधिषु च प्रयोगविधेः प्रयोजकत्वमितरेषां तु त्रयाणामप्रयोजकत्वम्।
तत्रोत्पत्तिविध्यपेक्षितभेदप्रतिपादकानि शब्दान्तरादीनि षट् प्रमाणानि।
(१. उत्पत्तिविधिप्रमाणानि —६)