१५. उत्तमस्य हर्षो यथा—(रघु. ३.११)
सुरेन्द्रमात्राश्रित/यितगर्भगौरवात् प्रयत्नमुक्तासनया गृहागतः।
तयोपचाराञ्जलिखिन्नहस्तया ननन्द पारिप्लवनेत्रया नृपः॥ ९१॥
म्लानस्य जीवकुसुमस्य विकासनानि सन्तर्पणानि सकलेन्द्रियमोहनानि।
आनन्दनानि हृदयैकरसायनानि दिष्टया मयाऽप्यधि/परिगतानि वचोऽमृतानि॥ ९२॥
१६. उत्तमस्य रोमाञ्चो यथा—(रघु. ७.२२)
अभूद् वरः कण्टकितप्रकोष्ठः स्विन्नाङ्गुलिः संववृते कुमारी।
अस्मिन् द्वये तत्क्षणमात्मवृत्तिः समं विभक्तेव मनोभवेन॥ ९३॥