(कर्णं दत्त्वा)अये धीरप्रशान्तस्वरैस्तपस्विभिर्भवितव्यम् ।
जयतु जयतु भर्ता ।एतौ द्वौ ऋषिकुमारौ प्रतीहारभूमिमुपस्थितौ ।
तेन ह्यविलम्बितं प्रवेशय तौ ।
एष प्रवेशयामि । (इति निष्क्रम्य र्षिकुमाराभ्यां सह प्रविश्य)
अहो दीप्तिमतोऽपि विश्वसनीयतयास्य वपुषः ।अथवा उपपन्नमेतदस्मिन्न् ऋषिभ्यो नातिभिन्ने राजनि । कुतः
अध्याक्रान्ता वसतिरमुना अप्याश्रमे सर्वभोग्ये रक्षायोगादयमपि तपः प्रत्यहं संचिनोति ।अस्यापि द्यां स्पृशति वशिनश्चारणद्वन्द्वगीतः पुण्यःशब्दो मुनिरिति मुहुह्ः केवलं राजपूर्वः ॥
Metre: मन्दाक्रान्ता
गौतम अयं स बलभित्सखो दुष्यन्तः ।