अंसस्रंसिगजेन्द्रकृत्तिवसनं सन्नद्धमेघप्रभं प्रभ्रष्टप्रणयोपनीतशशभृल्लेखावतंसं च तत्।
लोलल्लोहितलोचनाम्बुपिहितत्वद््वक्त्रनिर्वर्णनं वन्देऽर्धासनसंस्थितं तव मधुक्षीबं महाभैरवम्॥ १२८॥
आघूर्णद््वपुषः स्खलन्मृदुगिर; किञ्चिल्लसद्वाससो रेवत्यंसनिषण्णनिस्सहभुजस्याताम्रनेत्रद्युतेः।
श्वासामोदमदान्धषट््पदकुलव्यालुप्तकण्ठस्त्रजः पायासुः परिमन्थराणि हलिनो मत्तस्य यातानि वः॥ १२९॥
२६. मध्यमस्यामर्षो यथा—(उराच. ४.३)
अपत्ये यत् तावद् दुरितमभवत् तेन महता विषक्तस्तीव्रेण व्रणितहृदयेन व्यथयता।
पटुर्धारावाही नव इव चिरेणापि हि न मे निकृन्तन् मर्माणि क्रकच इव मन्युर्विरमति॥ १३०॥
कनिष्ठस्य यथा—(बारा. ९.४३)
लङ्काधीशस्य मायाचयचतुरमतेर्मैथिलीनाथचाप— व्यापारोद्वान्तबाणव्रणनधृतरुषः स्वां प्रतिज्ञां विवक्षोः।