५७. क्रुद्धप्रसादनं यथा—(उराच. ३.३७)
अस्मिन्नेव लतागृहे त्वमभवस्तन्मार्गदत्तेक्षणः सा हंसैः कृतकौतुका चिरमभूद् गोदावरीसैकते।
आयान्त्या परिदुर्मनायितमिव त्वां वीक्ष्य बद्धस्तया कातर्यादरविन्दकुड्मलनिभो मुग्धः प्रणामाञ्जलिः॥ १९०॥
५८. सुप्तापरित्यागो यथा—(उरा. १.२)
जृम्भाविजृम्भितदृशः प्रथमप्रबुद्धलक्ष्मीकराम्बुरुहलालनलालसस्य।
गात्रापवृत्तिभरखर्वितशेषमव्यादव्याहतं मुरजितः कृतकप्रसुप्तम्॥ १९१॥
५९. चरमस्वापविधिर्यथा—(माघ. ११.१३)
अविरतरतखेदायासजातश्रमाणां चरममपि शयित्वा पूर्वमेव प्रबुद्धाः।
अपरिचलितगात्रा कुर्वते न प्रियाणामशिथिलभुजचक्राश्लेषभेदं तरुण्यः॥
६०. गुह्यगूहनं यथा—(माघ. १०.८२)