कर्णोत्तंसः शिशुशुकवधूपिञ्छनीलं शिरीषं सान्तस्सूत्राः परिमलमुचो मल्लिकानां च हाराः।
मुक्तागौरैर्वलयरचना कन्दलाग्रौर्विसानां ग्रीष्मारम्भे रमयति नवं मण्डनं कामिनीनाम्॥ ११॥
सा/सौहित्य—स्तिमितैरुदञ्चेदलसग्रीवाभिरामं मुहु— र्मध्येऽह्नः स्फुरदर्ककर्कशरुचि—प्रान्तस्थलीवर्तिभिः।
दत्ताः सिन्धुषु माहिषैः क्रमकृशस्त्रोतस्सु पङ्कोदरे निद्रामीलितपक्ष्मपत्रविवरव्यक्तारुणा दृष्टयः॥ १२॥
अपां मूले लीनं मृदु परिचितं चन्दनरसे मृणालीहारादौ कृतलघुपदं चन्द्रमसि च।
मुहूर्तं विश्रान्तं सरसकदलीकाननतले प्रियागाढाश्लेषे निवसति परं शैत्यमधुना॥ १३॥