उत्तमा धीरोढा मुग्धा यथा—(गास.७.४७)
पुच्छिज्जंती ण भणइ गहिआ पिप्फुरइ चुंबिआ रुअइ।
तुण्हिक्का णववहुआ कआवराहेण दइएण उवऊढा॥ १६३॥
(पृच्छ्यमाना न भणति, गृहीता प्रस्फुरति, चुम्बिता रोदिति।
तूष्णीका नववधूः कृतापराधेन दयितेनोपगूढा॥)
उत्तमा धीराऽनूढा मुग्धा यथा—
तह मुद्धाए पुलाइओ पिअवरो पक्खुमेणए/वसुमेलए कह वि।
जह से पढमं हिअए पच्छा हत्थम्मि वि वलग्गो॥ १६४॥
(तथा मुग्धया प्रलोकितः प्रियवरः पक्ष्मणैकेनापि।
यथा तस्य प्रथमं हृदये पश्चात् हस्तेऽपि विलग्ना॥)