अलिहिअदुप्परिअल्लं पि णेइ रण्णं धणुं वाहो॥ ६५॥
(नववधूप्रेम तनूकृतः प्रणयं प्रथमगृहिण्या रक्षन्।
अलिखित/अतनूकृतं दुष्परिपाल्यदुराकर्षंमपि नयत्यरण्यं धनुर्व्याधः॥)
४१. धीरोद्धतासाधारणशठकनिष्ठो यथा—(वेसं. २.१३)
दिष्ट्याऽर्धश्रुतविप्रलब्धवचनक्रोधादहं नो गतो दिष्ट्या नो परुषं रुषार्धकथिते किञ्चिन्मया व्याहृतम्।
मां प्रत्याययितुं विमूढहृदयं दिष्ट्या कथान्तं गता मिथ्यादूषितयाऽनया विरहितं दिष्ट्या न जातं जगत्॥ ६६॥
४२. क्षीरोद्धतसाधारणशठकनिष्ठो यथा—(अमरु. ६०)
लाक्षालक्ष्म ललाटपट्टमभितः कोयूरमुद्रा गले वक्त्रे कज्जलकालिमा नयनयोस्ताम्बूलरागोऽपरः।
दृष्ट्वा कोपविधायि मण्डनमिदं प्रातश्चिरं प्रेयसः क्रीडातामरसोदरे मृगदृशः श्वासाः समाप्तिं गताः॥ ६७॥
४३. धीरोद्धतासाधारणधृष्टकनिष्ठो यथा—(वेसं. २.१६)