द्वितृतीयचतुर्थानां त्रिलोपे लोप इष्यते॥ ३९०॥
गर्भाङ्कचूलिकाङ्कमुखविष्कम्भकप्रवेशकविधानमित्यनेन संक्षेपाभिधानेनापि कथाशरीरस्याविच्छेदाद् रसाविच्छेदं रसान्तरतिरस्कारं च सूचयति। तत्र—
बीजार्थयुक्तिमान् अङ्को योऽङ्केष्वङ्कः प्रयुज्यते।
स नाटकेषु गर्भाङ्कोऽङ्कावतारश्च कथ्यते॥ ३९१॥
श्रवणैः श्रव्यमनेकैर्दृश्यं दीर्घैश्च लोचनैर्बहुभिः।
भवदर्थमिव निबद्धं नाट्यं सीतास्वयंवरणम्॥ ३९२॥
अन्तर्यवनिकासंस्थैः सूतादिभिरनेकधा।
अर्थोपक्षेपणं यत्र क्रियते सा हि चूलिका॥ ३९३॥
यथा वेणीसंहारे नेपथ्ये—(वेसं. ३.१९)