अर्थैकावली यथा—(काव्याद. २.१०७)
शुक्लः श्वेतार्चिषो वृद्धयै पक्षः पञ्चशरस्य सः।
स च रागस्य रागोऽपि यूनां रत्युत्सवश्रियः॥ ४३८॥
उभयैकावली यथा—(रुद्रटा. ७.११०)
सलिलं विकासिकमलं कमलानि सुगन्धिमधुसमृद्धानि।
मधु लीनालिकुलाकुलमलिकुलमपि मधुररणितमिह॥ ४३९॥
शब्दार्थोभयानां परिपाटिः क्रमः। तेषु— शब्दपरिपाटिर्यथा—
तस्याः प्रवृद्धलीलाभिरालापस्मितदृष्टिभिः।
जीयन्ते वल्लकीकुन्दस्रगिन्दीवरसम्पदः॥ ४४०॥