णोक्खी भल्ली स वंमहेण णिम्मिअ तइलोके वि।
जेहि विमुकी ते वि मुअ जह ण लग्गी ते वि ॥ ८ ॥
(नवीना भल्ली सा मन्मथेन निर्मिता त्रैलोक्येऽपि।
येभ्यो विमुक्ताः तेऽपि मृताः येभ्यो न लग्ना, तेऽपि ॥)
मुक्ताः कन्धरया धृताः, स्तनतटेनोत्तुङ्गता कुम्भयो— रूरुभ्यां परिणाहिता क्रमवती हस्तस्य, पद्भ्यां गतिः।
एतद् वः करिघातिनस्तु कठिनं चर्मैव, कोऽयं हठ— श्चण्डीति त्रिपुरारिकेलिवचनैरार्यास्मितं पातु वः ॥ ९ ॥
यत्सम्बन्धमन्तरेण क्रिया प्रधानेन सम्बध्यते तन्नान्तरीयकम्। तद्यथा— 'तप्ते पयसि दध्यानयति सा वैश्वदेव्यामिक्षा, वाजिभ्यो वाजिनम्'; (वाजिनस्य) पुनरनुनिष्पादित्वा— न्नान्तरीयकेण वाजिनेन सम्बध्यते। ओदनार्थे च पाके नान्तरीयकेण आचामादिना मक्षिकादयोऽनुगृह्यन्ते, अग्न्यर्थे निर्मथने नान्तरीयकेण धूमेन होतुरक्षिणी उपहन्येते। तदेतत् क्वचित् कविप्रयोगेषु वास्तवमवास्तवं च दृश्यते।