करणे च प्रयुज्यन्ते केचिद्भावेऽवधावपि॥ ५०॥
कर्त्रादिवचनास्तावन्निमित्तीकृत्य कांचन।
क्रियां तद्योगिनि द्रव्ये वर्तन्ते पाचकादयः॥ ५१॥
यत्रापि तत्क्रियायोगस्तदानीं नोपलभ्यते।
तत्रापि योग्यतां दृष्ट्वा शब्दं सन्तः प्रयुञ्जते॥ ५२॥
अन्ये पूर्वापरीभूतस्वभावपरिहारतः।
सिद्धरूपतया प्राहुः शूब्दाः पाकादयः क्रियाम्॥ ५३॥
अन्यत्प्रवृत्तौ शब्दस्य निमित्तमवगम्यते।
अभिधेयं ततश्चान्यदित्ययं प्रथमः क्रमः॥ ५४॥
पाचकादिशब्दांनां हि प्रवृत्तिनिमित्तं क्रिया। अभिधेयास्तु कर्त्रादयः।