(आत्मगतम्) कथं बुभुक्षया खादितव्योऽस्मि ।
प्रिये अकारणपरित्यागानुशयतप्तहृदयस्तावदनुकम्प्यतामयं जनः पुनर्दर्शनेन ।
(प्रविश्यापटीक्षेपेण चित्रफलकहस्ता)
इयं चित्रगता भट्टिनी । (इति चित्रफलकं दर्शयति)
(विलोक्य) साधु वयस्य । मधुरावस्थानदर्शनीयो भावानुप्रवेशः । स्खलतीव मे दृष्टिर्निम्नोन्नतप्रदेशेषु ।
अहो एषा राजर्षेर्निपुणता । जाने सख्यग्रतो मे वर्तत इति ।
यद्यत्साधु न चित्रे स्यात्क्रियते तत्तदन्यथा । तथापि तस्या लावण्यं रेखया किंचिदन्वितम् ॥
Metre: अनुष्टुप्
सदृशमेतत्पश्चात्तापगुरोः स्नेहस्यानवलेपस्य च ।
भोः इदानीं तिस्रस्तत्रभवत्यो दृश्यन्ते । सर्वाश्च दर्शनीयाः ।