भोस्तपोधनाः चिन्तयन्नपि न खलु स्वीकरणमत्रभवत्याः स्मरामि । तत्कथमिमामभिव्यक्तसत्त्वलक्षणां प्रत्यात्मानं क्षेत्रिणमशङ्कमानः प्रतिपत्स्ये ।
(अपवार्य)आर्यस्य परिणय एव संदेहः । कुत इदानीं मे दूराधिरोहिण्याशा ।
कृताभिमर्शामनुमन्यमानः सुतां त्वया नाम मुनिर्विमान्यः । मुष्टं प्रतिग्राहयता स्वमर्थं पात्रीकृतो दस्युरिवासि येन ॥
Metre: उपजातिः
शार्ङ्गरव विमर त्वमिदानीम् । शकुन्तले वक्तव्यमुक्तमस्माभिः । सोऽयमत्रभवानेवमाह । दीयतामस्मै प्रत्ययप्रतिवचनम् ।
(अपवार्य)इदमवस्थ्हान्तरं गते तादृशेऽनुरागे किं वा स्मारितेन ।आत्मेदानीं मे शोचनीय इति व्यवसितमेतत् । (प्रकाशम्)
पौरव युक्तं नाम ते तथा पुराश्रमपदे स्वभावोत्तानहृदयमिमं जनं समयपूर्वं प्रतार्य सांप्रतमीदृशैरक्षरैः प्रत्याख्यातुम् ।
(कर्णौ विधाय) शान्तं पापम् ।
व्यपदेशमाविलयितुं किमीहसे जनमिमम पातयितुम् । कूलं कषा इव सिन्धुः प्रसन्नमम्भस्तटतरुं च ॥
Metre: उद्गीति
भवतु । यदि परमार्थतः परपरिग्रहशङ्किना त्वयैवं प्रवृत्तं तदभिज्ञानेनानेन तवाशङ्कामपनेष्यामि ।