अथ मानभङ्गोपाधयः। ते च निद्रा, मदः, त्रासः, भयम्, अज्ञानम्, प्रसङ्गः, प्रमादः, देशः, कालः, कार्यम्, पात्रम्, सुप्तमित्यादयो भवन्ति। तेषु—
प्रणयिषु पुरा मिथ्यामानी न चाटुशतैरपि प्रणयमभजन्यस्सौभाग्यग्रहात्तरुणीजनः।
स्वयमनुनये हूणस्तेषामिहानुशयादयं नयति विवशो निद्रां दूत्ये मृषाप्रणयामपि॥ ३७९॥
अगहिअदइआणुणओ पच्छा अणुणेइ अणुणसआविसंवलिओ।
कइअवणिरूविअमओ वि कइअवमअणउम्मूलिओ जुवजइजणो॥ ३८०॥
(अगृहीतदयितानुनयः पश्चात् अनुनयति अनुशयविसंवलितः।
कैतव—निरूपित—मदो निष्कैतवमदनोन्मूलितो युवतिजनः॥)