हला चिन्तितं मया गीतवस्तु ।असंनिहितानि पुनर्लेखनसाधनानि ।
एतस्मिञ्शुकोदरसुकुमारे नलिनीपत्रे नखैर्निक्षिप्तवर्णं कुरु ।
(यथोक्तं रूपयित्वा) हला शृणुतमिदानीं संगतार्थं न वेति ।
तव न जाने हृदयं मम पुनः कामो दिवा अपि रात्रावपि । निर्घृण तपति बलीयस्त्वयि वृत्तमनोरथाया अङ्गानि ॥
Metre: गीति
तपति तनुगात्रि मदनस्त्वामनिशं मां पुनर्दहत्येव । ग्लपयति यथा शशाङ्कं न तथा हि कुमुद्वतीं दिवसः ॥
Metre: आर्या
(विलोक्य सहर्षमुत्थाय) स्वागतमविलम्बिनो मनोरथस्य ।
(शकुन्तलाभ्युत्थातुमिच्छति)