उपार्जितानामर्थानां त्याग एव हि रक्षणम् । तडागोदर-संस्थानां परीवाह इवाम्भसाम् ॥
Metre: अनुष्टुप्
उपार्जितानामर्थानां त्याग एव हि रक्षणम् । तडागोदर-संस्थानां परिवाह इवाम्भसाम् ॥
Metre: अनुष्टुप्
अन्यच्च- दानं भोगो नाशस्तिस्रो गतयो भवन्ति वित्तस्य । यो न ददाति न भुङ्क्ते तस्य तृतीया गतिर्भवति ॥
एवं ज्ञात्वा विवेकिना न स्थित्य्-अर्थं वित्तोपार्जनं कर्तव्यं यतो दुःखाय तत् । उक्तं च—
धनादिकेषु विद्यन्ते येऽत्र मूर्खाः सुखाशयाः । तप्त-ग्रीष्मेण सेवन्ते शैत्यार्थं ते हुताशनम् ॥
Metre: अनुष्टुप्
सर्पाः पिबन्ति पवनं न च दुर्बलास्ते शुष्कैस्तृणैर्वन-गजा बलिनो भवन्ति । कन्दैः फलैर्मुनि-वरा गमयन्ति कालं सन्तोष एव पुरुषस्य परं निधानम् ॥
Metre: वसन्ततिलका
सन्तोषामृत-तृप्तानां यत्सुखं शान्त-चेतसाम् । कुतस्तद्-धन-लुब्धानामितश्चेतश्च धावताम् ॥
Metre: अनुष्टुप्
पीयूषमिव संतोषं पिबतां निर्वृतिः परा । दुःखं निरन्तरं पुंसामसंतोषवतां पुनः ॥
Metre: अनुष्टुप्
निरोधाच्चेतसोऽक्षाणि निरुद्धान्यखिलान्यपि । आच्छादिते रवौ मेघैः सञ्छन्नाः स्युर्गभस्तयः ॥
Metre: अनुष्टुप्