२१. आवेगानुत्पत्तिर्यथा—(माघः २.७९)
आरभन्तेऽल्पमेवाज्ञाः कामं व्यग्रा भवन्ति च। महारम्भाः कृतधियस्तिष्ठन्ति च निराकुलाः॥ १५५॥
मुह्यन्ति नापत्सु, वदन्ति सत्यं, पृच्छन्ति वृद्धान्, सुकृतं, स्मरन्ति।
भवन्त्यमायाकपटाः किलैते सन्तः सतोषा न तु दीर्घरोषाः॥ १५६॥
२३. जाड्यानुत्पत्तिर्यथा—(रघु. ९.६३)
व्याघ्रानभीरभिमुखोत्पत्तितान् गुहाभ्यः फुल्लासनाग्रविटपानिव वायुरुग्णान्। शिक्षाविशेषलघुहस्ततया निमेषात् तूणीचकार शरपूरितवक्त्ररन्ध्रान्॥ १५७॥
२४. निर्वेदानुत्पत्तिर्यथा—(रघु. २.२४)
तामन्तिकन्यस्तबलिप्रदीपामन्वास्य गोप्ता गृहिणीसहायः।
क्रमेण सुप्तामनु संविवेश सुप्तोत्थितां प्रातरुदन्वतिष्ठत्॥ १५८॥