१. गुणतः उत्तमः, मध्यमः, कनिष्ठ इति।
२. प्रकृतेः सात्त्विको राजसस्तामस इति।
३. प्रवृत्तेरनुकूलो दक्षिणः शठो धृष्ट इति।
४. परिग्रहादसाधारणः साधारण इति। तेषु—
महाकुलीनतादिचतुर्विंशतिगुणयोगादुत्तमः; यथा—
रामोऽसौ जगतीह विक्रमगुणैर्यातः प्रसिद्धिं परा— मस्मद्भाग्यविपर्ययाद् यदि परं देवो न जानाति तम्।
वन्दीवैष यशांसि गायति मरुद् यस्यैकबाणाहति— श्रेणीभूतविशालसालविवरोद्गीर्णैः स्वरैः सप्तभिः॥ ६॥
पादोनगुणसम्पद्योगान्मध्यमः यथा—(वेसं. ५.२७)
सकलरिपुजयाशा यत्र बद्धा सुतैस्ते तृणमिव परिभूतो यस्य गर्वेण लोकः।