प्रद्योतस्य सुता बसन्तसमयस्त्वं चेति नाम्ना धृतिं कामः काममुपैत्वयं मम पुनर्मन्ये महानुत्सवः॥ १७२॥
सहदेवः —आर्य किं महाराजस्य सं)देशोऽयमार्येणापि अव्युत्पन्न इव गृहीतः।
भीमः— का पुनरस्य व्युत्पत्ति?
सहदेवः— एवमार्येण सन्दिष्टं सुयोधनस्य—(वेसं. १.१५)
कुशस्थलं वृकस्थलं माकन्दीं वारणावतम्।
प्रयच्छ चतुरो ग्रामान् कंचिदेव तु पञ्चमम्॥ १७३॥
तदनया प्रतिनामग्रामप्रार्थनया पञ्चमस्य चाकीर्तनाद्विषभोजनजतुगृहदाह— द्यूतसमाद्यपकारोद्घाटनमेवेदं मन्यामहे इति॥
६. (१.६ प्राप्तिः) (नाशा. १९.६७)