किं जानासि विनोदयिष्यसि मनः सन्तप्तमेषा च मे
विदूषकः— दुर्वात्येव विनोदयिष्यति न भोस्तां देवयानी यदि॥ १२५॥
३४.(३.११) आविर्भूताभिलाषानुभावयोरकाण्ड एव सम्भोगभङ्गो नर्मस्फोटः।
इतः परानर्भकहार्यशस्त्रान् वैदर्भि ! पश्यानुपता मयाऽसि।
एवंविधेनाहवचेष्टितेन त्वं प्रार्थ्यसे हस्तगता ममैभिः॥ १२६॥
३५.(३.१२) कार्यहेतोः स्वरूपविज्ञानादिप्रच्छादनं नर्मगर्भः। यथा— (कुसं. ५.३०)
अथाजिनाषाढधरः प्रगल्भवाग् ज्वलन्निव ब्रह्ममयेन वर्चसा।
विवेश कश्चिज्जटिलस्तपोवनं शरीरबद्धः प्रथमाश्रमो यथा॥ १२७॥