लोकस्य हृदयग्राही सोऽभिप्राय इति स्मृतः॥ ३३७॥ (नाशा.१६.१४अ)
यथा मुद्रावेदे(विद्धसालभञ्जिकायां द्वितीयेऽङ्के)—
विलीयेन्दुः साक्षादमृतरसवापी यदि भवेत् कलङ्कस्तत्रत्यो यदि च विकचेन्दीवरवनम्।
ततस्स्नानक्रीडाजनितजडभावैरवयवैः कदाचिन्मुञ्चेयं मदनशिखिपीडापरिभवम्॥ ३३८॥
यत्रार्थानां प्रसिद्धानां क्रियते परिकीर्तनम्।
परापेक्षाव्युदासार्थं तन्निदर्शनमुच्यते॥ ३३९॥ (नाशा.१६.१५अ)
कामन्दकी—अयि सरले, किमत्र शक्यं भगवत्या? प्रभवति हि प्रायः कुमारिकाणां जनयिता दैवं च। यच्च किल कौशिकी शकुन्तला दुष्यन्तम्, उर्वशी चाप्सराः पुरूरवसमैलकं चकम इत्याख्यानविद आचक्षते, तदपि साहसकल्पमित्यनुपदेष्टव्यम्, इति ॥ ३४०॥