शोकप्रसादविद्रवशापोत्सर्गप्रसादनक्रोधाः।
उद्वाहो३ऽद्भुतदर्शनमङ्के प्रत्यक्षजानि स्युः॥ १८७॥
युद्धं राज्यभ्रंशो मरणं नगरोपरोधनं चैव।
प्रत्यक्षाणि तु नाङ्के प्रवेशकैः संविधेयानि॥ १८८॥
१. ना.शा. काशीसं.। २. भोजमतेन लक्षणानि चतुष्षष्टिर्भवन्ति। ३. उद्वाहो = उत्साहो
भावा रसाश्च यस्मिन्नारोहन्त्यङ्कवद् भवेत् सोऽङ्कः।
नानाविधानयुक्तो लक्ष्मेव च यः प्रबन्धस्य॥ १८९॥
एकदिवसप्रयोज्यः कार्यस्त्वङ्कोऽर्थबीजमधिकृत्य।
आवश्यककार्याणामविरोधेन प्रबन्धेषु॥ १९०॥
एकाङ्केन कदाचिद् बहूनि कार्याणि योजयेद् धीमान्।