तत् सर्वं कर्तव्यं वर्षादूर्ध्वं न तु कदाचित्॥ १९६॥
यदि किञ्चित् कार्यवशाद् गच्छति पुरुषः प्रकृष्टमध्वानम्।
तत्राप्यङ्कच्छेदः कर्तव्यः पूर्वतन्त्रज्ञैः॥ १९७॥
अङ्कान्तरानुसारी संक्षेपार्थमधिकृत्य बिन्दूनाम्।
प्रकरणनाटकविषये प्रवेशकस्संविधातव्यः॥ १९८॥
नोत्तममध्यमपुरुषैराचरितो नाप्युदात्तवचनकृतः।
प्राकृतभाषाचारः प्रयोगमासाद्य कर्तव्यः॥ १९९॥
विटमुनिदैवतपुरुषैः कञ्चुकिभिश्चार्थयुक्तिमासाद्य।
संस्कृतवाग्भिरपीत्थं प्रवेशकः संविधातव्यः॥ २००॥
कालोत्थानगतिरस—व्यत्यासारम्भकामविषयाणाम्।