पोढमहिलाण जं जं सुसिक्खिअं तं रए सुहावेइ।
जं जं असिक्खिअं णववहूण तंतं रइं देइ॥ २०५॥
(प्रौढमहिलानां यद्यत्सुशिक्षितं तद् रते सुखयति।
यद्यदशिक्षितं नववधूनां तत्तद् रतिं ददाति॥)
धर्मिरूपो यथा—(रुद्रट. ७.९७)
राज्ये सारं वसुधा वसुधायां पत्तनं पुरे सौधम्।
सौधे तल्पं तल्पे वराङ्गनाऽनङ्गसर्वस्वम्॥ २०६॥
मधु च विकसितोत्पलावतंसं शशिकरपल्लवितं च हर्म्यपृष्ठम्।
मदनजनितविभ्रमा च कान्ता सुखमिदमर्थवतां विभूतयोऽन्याः॥ २०७॥