अधि ब्रह्मदत्ते पञ्चालाः, अधि पञ्चालेषु ब्रह्मदत्तः' (इति)।
अभिर्लक्षणेत्थंभूताख्यानवीप्सासु द्वितीयामुत्पादयति।
यथा— वृक्षमभि विद्योतते, साधुर्देवदत्तो मातरमभि, वृक्षं वृक्षमभि सिञ्चति। इत्यध्यभी ञ्यर्थौ।
हीनाऽधिकार्थयोः उपः। तत्र यथासंख्यं द्वितीयासप्तम्यौ।
यथा— उपार्जुनं योद्धारः, उप खार्यां द्रोणः' इति
अतिः पूजायामतिक्रमणे च। तत्र पूजा स्तुतिः। निष्पन्नेऽपि फले क्रियाप्रवृत्तिरतिक्रमणम्। यथा— 'शोभनं स्तुतम्', अति स्तुतं भवता, अति सिक्तमेतद् भवता' इति।