क्षणं भद्राऽवतिष्ठस्व ततः प्रस्थास्यसे पुनः । न तत्संस्थास्यते कार्यं दक्षेणोरीकृतं त्वया ॥
Metre: अनुष्टुप्
त्वयि नस्तिष्ठते प्रीतिस्तुभ्यं तिष्ठामहे वयम् ।उत्तिष्ठमानं मित्राऽर्थे कस्त्वां न बहु मन्यते ॥
Metre: अनुष्टुप्
ये सूर्यमुपतिष्ठन्ते मन्त्रैः संध्या-त्रयं द्विजाः । रक्षोभिस्तापितास्तेऽपि सिद्धिं द्यायन्ति तेऽधुना ॥
Metre: अनुष्टुप्
अ-व्यग्रमुपतिष्ठस्व वीर ! वायोरहं सुहृत् । रविर्वितपतेऽत्यर्थमाश्वस्य मयि गम्यताम् ॥
Metre: अनुष्टुप्
तीव्रमुत्तपमानोऽयम-शक्यः सोढुमातपः ।आघ्नान इव संदीप्तैरलातैः सर्वतो मुहुः ॥
Metre: अनुष्टुप्
संशृणुष्व कपे ! मत्कैः संगच्छस्व वनैः शुभैः । समारन्त ममाऽभीष्टाः संकल्पास्त्वय्युपागते ॥
Metre: अनुष्टुप्
के न संविद्रते वायोर्मैनाकाऽद्रिर्यथा सखा । यत्नादुपाह्वये प्रतीतः संह्वयस्व विवक्षितम् ॥
Metre: अनुष्टुप्
द्यामिवावयमानं तमवोचद्भूधरं कपिः ।उपकुर्वन्तमत्यर्थं प्रकुर्वाणोऽनुजीवि-वत् ॥
Metre: अनुष्टुप्
"कुल-भार्यां प्रकुर्वाणमहं द्रष्टुं दशाननम् । यामि त्वरा-वान्शैलेन्द्र ! मा कस्यचिदुपस्कृथाः ॥
Metre: अनुष्टुप्
योऽपचक्रे वनात्सीतामधिचक्रे न यं हरिः । विकुर्वाणः स्वरानद्य बलं तस्य निहन्म्यहम् ॥
Metre: अनुष्टुप्