सा त्रिधा— द्रव्यव्यक्तिः, गुणव्यक्ति, क्रियाव्यक्तिश्च। तासु— द्रव्यव्यक्तिः द्विधा— शुद्धा मिश्रा च। तयोः —
आद्या यथा गां बधान, गां दोग्धि, त्वं पचसि, अहं पचामीति।
मगधेषु स्तनौ पीनौ कलिङ्गेष्वक्षिणी शुभे।
बाहू प्रलम्बावङ्गेषु वङ्गेषु चरणौ मृदु॥ १४॥
गुणव्यक्तिः द्विधा— मुख्या गौणी च। तयौः—
आद्या यथा श्वेतं रूपं पश्यामि, मधुरं रसमास्वादयामि, सुगन्धिं गन्धमाजिघ्रामि, शीतं स्पर्शमनुभवामीति।
द्वितीया यथा— 'तीव्रः प्रतापो मधुरं वचस्ते यशोऽवदातं सुरभिः स्वभावः।' इति।