२. नैमित्तिकोऽपि औद्योगिकः, औपभोगिकः प्रायोगिकश्चेति त्रिविधः। एवं
३. स्वाभाविकोऽपि आगन्तुकः, नैसर्गिकः, सांसर्गिक इति त्रिधा।
४. वैपरामार्शिकोऽपि सङ्कीर्णः, प्रकीर्णो, विप्रकीर्ण इति त्रिधैव।
(शाश्वतिकः) तेषु क्षणनिमेषनाडिकामुहूर्तप्रहराहोरात्रस्वरूपश्शाश्वतिकः।
अयं हि शश्वत्प्रवर्तमानो नावधिविशेषमपेक्षते। यथा—
क्षणे निमेषे नाङ्या वा मुहूर्ते प्रहरेऽह्नि वा।
गते त्वमेष्यसीत्युक्ते रूरोध पथिकं प्रिया॥ ६४॥
(वैकल्पिकः) दिनरात्रिपक्षमासर्त्वयनरूपो वैकल्पिकः।
अयं हि सुर्योदयादिविशिष्टमवधिमपेक्षमाणो विकल्पाय प्रभवति। यथा—