एवं कथाशरीरव्यापिका नायिका यथा—
तासां माधवपत्नीनां सर्वासां बद्धवर्चसाम्।
शब्दविद्येव विद्यानां मध्ये जज्वाल रुक्मिणी॥ १४४॥
तत्प्रतियोगिनी प्रतिनायिका यथा—(हरिवि. अत्रैव ७.१२, ९५)
कुविआ अ सच्चभामा . . . मंतू॥ १४५॥ (पृ. १३३०)
नायिकायाः किञ्चिदूना समा वा गौरवायतनमुपनायिका यथा—(सक. ५.३५३)
देवीस्वीकृतमानसस्य नियतं स्वप्नायमानस्य मे तद्गोत्रग्रहणादियं सुवदना यायात् कथं न व्यथाम्।
इत्थं यन्त्रणया कथं कथमपि क्षीणां निशां जाग्रतो दाक्षिण्योपहतेन सा प्रियतमा स्वप्नेऽपि नासादिता॥१४६॥
नायिकायाः कनीयस्यनुनायिका यथा—(सुमु. ४३)
हेलोदस्तमहीधरस्य तनुतामालोक्य दोष्णो हरेः स्नेहादंसतटेऽवलम्ब्य चरणावारोप्य तत्पादयोः।