स्फुटनाभितला तलोदरी तनुच्छ्वासितनिर्मुखस्तनी।
वलितैकविलोचना बभौ तमभि व्याजविजृम्भितोद्भुजा॥ २४६॥
१.८.८. आहार्यानुकारी यथा—(राच. १२.६४)
विषसाद विशेषविह्वला मुमुदे मीलितलोचना मुहुः।
किलकिञ्चितकेलिपण्डिता किमकाण्डे न चकार तं प्रति॥ २४७॥
१.८.९. यौवनजानुकारी यथा—(राच. १२.५३)
वपुरप्रतिकर्मसुन्दरं प्रतिपन्नप्रतिकर्म बिभ्रती।
विततान विदग्धकामिनीजनयोग्यासु कलासु कौशलम्॥ २४८॥
१.८.१०. विस्रम्भजानुकारी यथा—(राच. १२.५७)
अवलम्ब्य लतां निरायतामथा सा संस्तवशालिनीव तम्।