रम्याणि वीक्ष्य मधुरांश्च निशम्य शब्दान् पर्युत्सुको भवति यत् सुखितोऽपि जन्तुः।
तच्चेतसा स्मरति नूनमबोधपूर्वं भावस्थितानि/स्थिराणि जननान्तरसौहृदानि॥ ३५॥
अनुबन्धो यथा—(उराच. ६.१२, मामा. १.२७)
व्यतिषजति पदार्थानान्तरः कोऽपि हेतु— र्न खलु बहिरुपाधीन् प्रतीयः संश्रयन्ते।
विकसति हि पतङ्गस्योदये पुण्डरीकं द्रवति च हिमरश्मावुद्गते चन्द्रकान्तः॥ ३६॥
प्रकर्षो यथा—(उराच. ३.४७)
एको रसः करुण एव निमित्तभेदाद् भिन्नः पृथक् पृथगिव श्रयते विवर्तान्।
आवर्तबुद्बुदतरङ्गमयान् विकारा— नम्भो यथा सलिलमेव हि तत् समग्रम्॥ ३७॥
सम्पर्को यथा— (मामा. ८.१४)