दृष्टिं रुषा क्षिपसि यद्यपि भामिनीमां स्निग्धेयमेष्यति तथापि न रूक्षभावम्।
त्यक्त्वा त्वरां व्रज तव स्खलितैरयं तु खेदं करिष्यति गुरुर्नियतं नितम्बः॥ ३९८॥
पृष्टैरपृष्टैरथवा निर्णयः (क्रियते तु यः)।
तदाख्यानमिति ज्ञेयं लक्षणं नाटकाश्रयम्॥ ३९९॥
यथा उत्तरचरिते, चतुर्थेऽङ्के,
कौसल्या—अम्महे एदाणं मज्झे को एस रामभद्दकोमारलिहि (लच्ची)सावठ्ठंभेहिं मुद्धळळिदेहिं अंङ्गकेहिं दारओ अम्हाण (ख) लोअणाइं सीलळावेइ।
(अहो एतेषां मध्ये क एषः रामभद्रकौमारलक्ष्मीसावष्टम्भै— र्मुग्धललितैरङ्गकैर्दारकोऽस्माकं लोचने शीतलयति ?)
अरुन्धती—(अपवार्य, सहर्षोत्कण्ठम् इदं नाम तद्भागीरथीनिवेदितं रहस्यकर्णामृतम्। न त्वेवं विद्मः कतरोऽयमायुष्मतोः कुशलवयोरिति।) ॥ ४००॥