(३. अनुकरणप्रातिपादिकम् —६)
शब्दस्य ताद्रूप्येणाभिधानमनुकरणम्।
यदाह—व्यक्ताऽव्यक्त—वर्ण—पद—वाक्य— सादृश्योक्तयोऽनुकरणानि। तत्र —
१. व्यक्तवर्णसादृश्योक्तिर्यथा— (सक. २)
छिन्नेन पतता वह्नौ यन्मुखेन हठात्कृते।
स्वेति हेति हरेणोक्तेः स्वाहासीत् सैव रावणः ॥ ३९ ॥
२. व्यक्तपदसादृश्योक्तिर्यथा— (काद. २.१४७)
गच्छेति वक्तुमिच्छामि मत्प्रिय! त्वत्प्रियैषिणी।
निर्गच्छति मुखाद् वाणी मा गा इति करोमि किम् ॥ ४० ॥
३. व्यक्तवाक्यसादृश्योक्तिर्यथा— (उराच. १)